Fu Hing Dat Steet!

Download hier het 'Fu Hing Dat Steet!' lied.

Fu Hing Dat Steet!

Refrein:
Fu Hing dat steet.
't Kan jo haost neet gekker.
Wat een boer neet kent, dat et e neet.
Maor hier vundt hee 't lekker.

Wa'j wiedt haalt, dat zol smaken.
Wordt zo vake 'zegd.
Dus gong 'k een rundjen maken.
Maor, keerl, wat veel dat slecht.
Ik kwamme eerst in Oer.
De pap was völs-te zoer.
Too gong ik deur naor etten.
En kreeg half zat te vretten.

Vanaor gong 't naor Rhao.
't Vleis was mien te tao.
Wat ducht ow dan van Vorden.
Zee hadden jo gaar gin borden.
De reize gong naor Grol.
Ik kreeg de boek wal vol.
Maor zeker neet met etten.
Dat kö'j verdan wal wetten.

Refrein

Too kreeg 'k in Lechtenvoorde.
Van de hasse bloos de zwaorde.
Wieterop in Raotum.
Een haentjen met een daotum.
Achter 'n paol in Borken.
Daor atten ze pap met vorken.
Ik gong ok an in Wesel.
't Gaf biefstuk van een ezel.

Refrein

An 't Lange lest in Megcheln.
Gongen ze aover prieze stecheln.
Ik had mi-j good ehad.
En was 't meer dan zat.
Ik toge too naor Varsseveld.
En krege veur mien goeie geld.
't Beste etten völle en fijn.
Bi-j de karke, an 't plein.

Refrein

Tekst en muziek: Boh Foi Toch.